張振朗爆肌喊驚起「殺意」

振朗為角色花了一年時間操出一身爆肌，但現已打回原形，他笑說：「依家冇晒，變番正常人嘅肌肉，咁強悍嘅狀態可能一生人得一次，有啲驚！下次試吓其他，做吓變態殺手。」他與譚俊彥因合作劇集《包青天再起風雲》成為好友，譚俊彥直言：「客串係因為戲中做佢阿哥，我用咗半年時間減15磅，就係為咗影一張拳王嘅相畀張振朗。」張振朗表示：「好感動，一望見張相自己就嚟料。」

至於姚子羚與黎耀祥對手戲多多，她說：「同祥哥《造王者》後再合作，又唔可以話驚，戲裏面好多高手過招戲，要靠眼神、細微表情，希望同祥哥有火花，佢係另一境界嘅人。」並透露為了入戲，將陳豪幻想成劇中未有露面的亡夫，大讚電視圈好男人首選非他莫屬。