Uncle級對象免問謝嘉怡父母把關追求者難埋身

2020年港姐冠軍謝嘉怡（Lisa）與英菲混血兒徐㴓喬（Asha），昨日出席《ONE PIECE海賊王》MOST-SWEET Seacation聖誕啟航活動。Lisa透露母親剛由蘇格蘭來港，可以母女共度聖誕特別開心，不過爸爸仍未決定會否返英國。她曾建議母親香港、蘇格蘭兩邊走，但遭拒絕：「媽咪太掛住我，唔想走，佢想長期跟住我，覺得照顧咗25年要跟住。」

Lisa指母親正在適應香港生活，除了每日跟爸爸外出，亦加入了在港生活的蘇格蘭人群組，每周聚會。問到媽咪陪住，可擔心沒追求者敢埋身？她坦言：「媽咪唔畀我識男仔，覺得呢幾年我要集中做嘢，做嘢緊要過識男仔。（識人要過媽咪關？）係一定要過爸爸關，因為爸爸仲嚴，有好多要求，要過父母兩關都難！（可能要爸爸介紹男仔你識？）爸爸嘅朋友好老，大我30歲，接受唔到男朋友同爸爸同年！」

Asha練膽不設底線

至於Asha有份參與的ViuTV綜藝節目《香港秘密搜查官》因內容大膽受到關注，她直言拍該節目是最搏命的一次，笑製作團隊不癲不做，繼在懸崖瞓吊床後，稍後還有另一個高難度挑戰，自言已算大膽，又笑說：「唔見咗條底線！」又透露近日趁空檔報讀潛水及跳舞課程，自我增值。