再揀都一樣會離巢 周家怡外闖乜都試：唔覺自己好紅

「英皇一姐」周家怡近年於影視圈大展拳腳，事隔9年她重返娘家無綫接拍熱播台慶劇《星空下的仁醫》，飾演醫生的她事前為「轉行」行醫做了不少功課，上網搵海量手術片段當「煲劇」：「最初睇係覺得好核突，但睇睇吓就麻木咗，今次可以入埋手術室做手術，真係好好玩！」更搞笑自爆煞科後一度走不出角色，更試過有日去醫院做身體檢查時，險泊了醫生專用車位。