《聲夢2》首批參賽者現身 炎明熹升呢師姐 難忘面試爆瘡

Gigi與Chantel等昨日出席《聲夢傳奇2初選》活動，首次與成功進入「50強」的其中10位參賽者同場。10位參賽者年紀最小為15歲的女學員林爾琪，最大為28歲男生金永衡，今次更有說得一口流利粵語的混血兒、「翻版謝嘉怡」安妮參賽，十分多元化。其中林爾琪是台灣企業家林添茂孫女，曾獲多項世界大獎的女高音，並曾與名模林志玲同場出席慈善活動，當時邊彈豎琴邊演唱，一鳴驚人！另一參賽者27歲的陳晉軒（Jason）本身是網紅，曾拍攝的片段點擊高達13萬觀看次數，更推出單曲作品《缺頁的日記》，實力不容忽視。

面對一眾「師弟妹」，Gigi、Chantel及Yumi慨嘆時光飛逝，回憶起當日參賽時的蝦碌事件，Chantel笑說：「第2次面試時一開始我入錯key，直接問可唔可以重頭再嚟，後來聽工作人員講，當時我好大膽。」Gigi笑言面試時緊張到飲水，但不小心將水樽撞到結他發出巨響，而且當時鼻翼長了大粒青春痘。談到參演的劇集《青春本我》即將煞科，Chantel苦笑：「我終於明白咩叫早起，試過朝早5點要起身化妝。」Gigi則說：「拍劇就好似經歷第二人生一樣，因為之前未試過。（約工作人員食飯？）都想，今次係大家一齊努力，不過我考試，要到19號先完結。」

身為星夢CEO的何麗全，對於10位參賽者初試啼聲的表現大感滿意：「佢哋係喺成千人入面揀選出嚟，今次起碼冇怯場。」他透露最終會揀選15至20位入圍，作出約4個月的培訓，預計正式比賽要待明年才展開。談到首季每位參賽者約有200萬培訓費，他說：「差唔多啦，今次有25位導師指導佢哋，至於勝出獎金方面會加碼，依家已經有贊助商主動聯絡我哋，有啲甚至希望冠名贊助。」