最喪連踩69粒鐘 Anson Lo捱殘呻皮膚差

人氣男團MIRROR成員Anson Lo與Jer昨日錄影ViuTV音樂節目《Chill Club》，今次主題是「成長」，問到哪方面成長了？Anson Lo笑說：「最大成長係容易畀人話攰、不在狀態，媽咪話捱夜容易殘，中學嗰陣都唔覺，但呢3年皮膚差咗好多。」Jer亦認同：「魚尾紋愈嚟愈勁，但呢啲都成為經歷，可以令唱歌好聽啲。」

戥Edan辛苦

談及隊友Edan在社交網自爆連踩40小時，Anson Lo感同身受：「見到佢40個鐘都好辛苦。（你連踩70個鐘嘅紀錄未被打破？）暫時未，我嗰陣係69個鐘，不過唔關事，係諗起自己之前都係咁，都捱過咗。」又透露與Edan、毛舜筠合作的電影已煞科，笑指兩子的角色性格與現實完全相反：「平時Edan好Hyper，但戲中好沉實；而我喺戲中就Hyper，現實中就斯文。」此外，對於在節目《神的女主角》挑戰約4層樓高的「天梯」，被安全繩勒實重要部位，他笑說：「復原晒啦！係幾個月前嘅事。」

Anson Lo與蘇皓兒（Chloe）、陳紫萱主演的電影《假冒女團》即將上映，他說：「之前同Chloe一齊上彭秀慧老師嘅戲劇堂，覺得佢係個斯文、細心嘅女仔，拍完呢套戲，發覺佢都好鍾意玩，又鍾意取笑我哋一啲小動作。」