受肌肉痙攣困擾 落唔到床 莎蓮迪安驚傳皮包骨 病重幾乎癱！

莎蓮原定本月5日於美國拉斯維加斯開始駐場騷，不過上月19日於社交網發出聲明，透露因被嚴重與持續的肌肉痙攣困擾，演唱會需要延期。知情者透露，莎蓮的肌肉痙攣可能是因為她過度操練與節食所致：「佢個飲食好差，佢同排舞師1個禮拜操足7日，係咁跳芭蕾舞。營養失調同脫水好多嘅時候會導致肌肉痙攣。」莎蓮丈夫Rene Angelil於2016年離世後，她一直消瘦，有傳最近更暴跌至95磅。

有雜誌指莎蓮家屬透露她健康問題惡化：「佢已經唔可以自己落床、活動或者行路。佢隻腳痛到佢幾乎癱瘓。佢身體好弱，體重跌咗好多。如果佢唔好轉，佢要停工幾個月或者一年，因為情況比預計中嚴重。」

莎蓮的姐姐日前受訪時卻為傳聞降溫：「莎蓮情況令人傷心，但唔係咁嚴重，否則佢會同我講。莎蓮總係會同我傾訴，如果出事會問我意見。我知道佢精神唔錯。」不過莎蓮的粉絲仍然非常擔心，於社交網留言向其管理團隊追問偶像的最新健康狀況。