張振朗爆肌打擂台挑戰張家輝

張振朗主演以拳擊為題材的無綫新劇《拳王》，將緊接《星空下的仁醫》大結局播出，早於開拍前一年多，他已開始為操肌做準備，第一步是谷肥自己，他說：「當時一日食5餐，主要係牛扒同大量飯，因為要先增加脂肪同肌肉，咁樣操番Fit嘅時候，肌肉至會更加有分量！」

日食夜食下，他成功「泵脹」自己，體重激增40磅之餘，更谷出驚人巨腩，他笑說：「增肥嗰陣咁啱有兩套劇出街，就係《使徒行者3》同《踩過界2》，當時好多人話我肥咗。」其後半年便是地獄式操肌訓練及超清淡健康餐單，由於食白烚雞肉食到「懷疑人生」，他聽從教練建議飲「雞水」，經過一番苦操，終煉成無懈可擊的「完美肌」，更被讚拍得住電影《激戰》的爆肌張家輝！