七師傅讚沈殷怡紅咗有衫着

同場的七師傅、沈殷怡及劉沛蘅就化身「星級譚仔姐姐」，行Catwalk演繹全新譚仔制服。講到七師傅對林家謙表現熱情，她笑言：「因為之前埋唔到身，今日冇人擋，一定要捉實！」她又謂對方一定行運：「好欣賞佢啲牙，因為佢啲牙天生象牙白，會有好運。」她亦讚身旁兩女，其中讚沈殷怡是ViuTV藝人中的三甲之列：「佢之前冇着衫行山，依家紅咗，會愈着愈多衫，證明身份鞏固咗。」她亦睇好劉沛蘅會先結婚，指她現時背後有男人，對方即尷尬默認名花有主，至於沈殷怡個性好強，男人駕馭不到，故會遲婚一點。