王致狄被吊高2層樓受傷

藝人王致狄憑處境劇《愛．回家之開心速遞》「鐵面陳」一角為人認識，劇中有不少動作場口的他近日再突破自己，大玩運動會狂騷體能，其中一幕游繩爬牆，更展現驚人力量，他坦言：「一知道拍呢集之前，我都做足準備，每日去健身同打拳，希望以最佳狀態演出，而且我啱啱考到健身教練牌，幫助到我訓練同提升體能。」講到要吊2層樓高威吔，他表示：「初頭都有啲驚險，因為頭幾次吊嘅時候，可能未習慣，隻手同隻腳都有輕微擦傷，不過好彩最後順利完成拍攝。」