清潔沙灘 Shiga暈陀陀 周柏豪潛水執垃圾

藝人周柏豪與連詩雅日前到西貢甕缸灣上山下海執垃圾做義工，雖然沙灘滿布膠樽、膠袋、紙巾及發泡膠等棄置垃圾，污穢不堪又臭氣沖天，但他們不怕邋遢，戴上勞工手套便摩打手清理垃圾，柏豪更換上潛水衣落海底執埋一份。

由男神變「垃圾佬」的柏豪笑言感覺良好，參加活動全因他早前學浮潛時，發現海面及海底都有浮游垃圾，覺得嚴重影響環境，與教練商量後，決定舉行執垃圾活動，還邀請家人和朋友參加，連同義工隊伍共有50人。參加過不同類型義工活動的他，上星期則偕歌迷為動物籌款，他說：「好感謝歌迷嘅支持同愛心！」另外，剛完成劇集《旁觀者》拍攝的他，除了抽時間做慈善工作，也可以多陪伴家人。

至於暈船浪的Shiga抵達目的地時頭暈暈，幸很快沒事，她表示最意想不到竟於沙灘執到爛鞋、牙刷，眼見還有不少塑膠物品，她重點執拾塑膠粒，因為從紀錄片得知塑膠要經過很多年才可分解，對海洋造成極大污染，她說：「大家日常生活最好減少用塑膠，行山去沙灘都要帶走自己嘅垃圾，幫手清走其他垃圾就更好。」

對於柏豪潛水執垃圾，她自爆有少少幽閉恐懼症，曾經去馬爾代夫和三亞潛水的她說：「落到水底有啲驚，好易唔記得潛水基本用口呼吸嘅方法，所以暫時唔係太適合，都係睇人潛水過癮啲！」本身不諳泳術的她，平日到沙灘都只是曬太陽，最想去菲律賓的愛妮島（El Nido），因當地環境靚，水清沙幼。