李施嬅望長食「攞獎飯」

李施嬅早前憑劇集《金宵大廈》於《2021紐約電視電影節》奪最佳女演員組別優異獎，揚威海外！日前她與劇集監製葉鎮輝及拍檔陳山聰、趙希洛等食飯兼開香檳慶祝，並於社交網分享合照，又笑言希望「攞獎飯」長食長有：「佢哋話，攞獎要請食飯，希望大家都繼續有得請食飯。同呢班人傾《金宵大廈》+《金宵大廈2》，傾咗5個鐘都覺得唔夠，我好耐冇試過咁夜瞓，希望將來還有機會再合作。」陳山聰則表示：「再次恭喜sister憑《金宵大廈》揚威海外，攞獎梗係要請食飯啦！希望《金宵2》出街再食過、再攞獎。」