鄧紫棋射空氣炮 大驚小怪？

藝人鄧紫棋（G.E.M.）最近為內地真人騷做嘉賓，獲安排試玩空氣炮，物理老師把燃燒的紙張放入穿底的水桶，之後G.E.M.拉起水桶內的彈弓發射，結果空氣炮打冧對面一排汽水罐，連G.E.M.也驚訝到O晒嘴。有網民就搞笑話「龜波氣功咪就係呢個原理」，亦有網民不以為然，話「小學三年班學生都識啦」！