兩兒患自閉症 失婚Rocky撲水養仔

港男大隻仔鄭健樂（Rocky）任健身教練多年，因疫情之下行業受重創，半年收入近乎零，加上正辦理離婚手續，又要照顧分別12及13歲患自閉症的兒子，故急需「撲水」養仔，最近決定學打拳，希望開闢新財路！日前他現身紅磡一間拳館，見他與教練對打，雖是「新丁」但拳拳有力。練拳後，他到附近街市買蛋，兩位姐姐認出其巨臂都願意畀折頭。事後Rocky受訪，直言不少朋友雪中送炭，令他十分感動：「要多謝好多貴人，好似監製Lam（林志華）同陳維冠都識咗好耐，話有劇會預我；錢嘉樂搵我做健身教練，鄧梓峰同馬浚偉都喺網上留言鼓勵我。」