何依婷自覺患情緒失語症

藝人何依婷擁有女神般的外表，理應裙下之臣眾多，不過她近日受訪則笑指性格主宰命運，身邊最熟悉的朋友均是圈外人，亦不覺很多異性追求，自嘲不擅長人際關係：「經理人都叫我多啲機會同人做朋友，其實我喺公司都好多朋友，見面會傾偈，不過鏡頭以外嘅我係比較宅，收工就喺屋企，唔願出街，雖然見面嘅朋友全部係中學同學，但大家又唔係成日見，可能同我係獨生女關係有關。（唔想出去識朋友咩？）又唔係，最近我睇咗本關於情緒失語症嘅書，呢個症狀嘅人表面係大情大性，但如果有唔開心係唔識表達，就算人哋關心你都會係唔想講，我覺得自己係呢類人。」