張頴康好錫身：唔想有咩事自己走咗！

藝人張頴康升呢3個孩子之父，惟岳父卻突然離世，令他頓時成為家中掌舵人，日前他受訪時表現無奈：「有時啲嘢講唔埋，自己爸爸8月病逝，幫佢完成後事就到岳父出事。依家索性安排岳母留港生活，之前岳父講過自己有咩事，要代佢照顧岳母，所以我一定會做。（依家身負重任照顧家人，心態會唔會改變？）依家好錫身，戒咗煙，每日做運動同跑步，屋企咁多人，唔想有咩事自己走咗，同埋唔好咁多嘢唔開心，唔應該再執着事業上，應該每日都享受當下。」