獲周秀娜按腳 張繼聰激嬲老婆

周秀娜近日孖張繼聰為主演新片四出謝票，阿聰日前幽默出Post爆謝票花絮，見2人於尖沙咀街頭互相大叫對方名字引途人注目，之後他到大會安排的「休息室」，原來只是在後樓梯加兩張椅，但他仍表示「好正」，原來是獲周秀娜及其經理人「起雙飛」為他按腳，令他大呼夫復何求！卻引來老婆謝安琪醋爆留言「好正喎」，並說：「陰功隻腳咁嚴重又唔講，我識古法治療，你放工返嚟試吓！」字裏行間「酸」到爆，即有Fans笑問：「跪榴槤？」