獲讚「神一般嘅存在」譚俊彥煮魷魚冧暈高海寧

藝人譚俊彥前晚錄影節目時大顯廚藝，煮得一手好餸加上愛錫太太，成功俘虜高海寧與黃智雯，獲讚是男神新定義！

譚俊彥、周柏豪、陳柏宇前晚在將軍澳電視城錄影無綫節目《男神廚房》，嘉賓高海寧（高Ling）與黃智雯試菜後，對譚俊彥有讚冇彈，高Ling直言會以他為搵老公的方向：「佢煮得好好味，仲好錫老婆，簡直係神一般嘅存在，相信觀眾睇完呢集之後會對佢嘩一聲。」黃智雯亦激讚：「佢分享同老婆嘅故事，真係感動到喊，佢可以話係男神新定義。」

希望老婆食得開心

韓劇《魷魚遊戲》大熱，跟男主角李政宰撞樣而人氣大增的譚俊彥，炮製「西班牙魷魚」湊熱鬧。對於被兩位靚女激讚，他謙虛說：「有啲唔好意思，我都係煮啲好簡單嘅嘢，好似三文魚、鷹嘴豆、炒飯，不過係好用心去煮，每樣嘢喺屋企試過好多次，上節目亦唔係為咗分數，呢啲餸菜平時都係煮畀老婆食，希望佢食得開心。」又稱若晉級都是靠「出貓」，因之前在節目《煮戰》跟李家鼎與蕭秀香偷師。

至於周柏豪表示甚少下廚，事前有請教朋友，於節目中炮製「慢煮龍躉」，試食後感滿意：「今年繼學電單車、潛水後，多咗個學廚目標，會多啲煮，起碼要做到入廚房唔會咁騰雞。之前拍《兩個小生去Camping》被把刀?親手，希望做到攞住把刀都唔會怯。」問到可會煮給小朋友吃？他說：「咁就唔敢，平時喺屋企都係負責檢查，睇吓有冇魚骨，負責把關安全。」