媚姨率「真．譚仔姐姐」行騷

時裝騷除了幾位專業模特兒，曾參演電視台真人騷、人氣十足的媚姨及多位真正的譚仔姐姐，包括「譚仔姐姐首席KOL」紅梅姐、「葵芳店店長」菊姐、「彩明店店長」進姐、「東涌店店員」珍姐及「樂富店店員」鈴姐，紛紛穿上HKDI學生的設計作品走上天橋，實行分一杯羹，眾姐姐雖然零行騷經驗，但於台上也有板有眼，表現不俗。首次行天橋的媚姨穿上芽菜設計的上衣配生菜長裙，她搞笑說：「搵我行騷真係亂嚟，又唔係要我做譚仔姐姐，又冇男仔畀我揀，真係唔知做咩。」