人氣韓劇唔係個個Buy！ 《魷魚》被踩結局唔掂 導演寸爆勒邦占士

勒邦占士日前出席完記者會，與隊友Anthony Davis閒談時提及《魷魚遊戲》，激動得爆晒粗說：「我唔鍾意個結尾，我知道佢哋想拍第2季，但上個仆X航班去見你個女啦，老兄！你搞乜嘢呀？」他批評《魷》的片段被記者拍下並放上網。

《魷》劇導演黃東赫前日受訪時被問及回應時，即反寸勒邦主演的電影《太空也入樽2：改朝換代》（Space Jam: A New Legacy）口碑差劣，他問記者：「你有睇過《太空也入樽2》嗎？勒邦占士係有型，而佢亦可以講佢想講嘅嘢，我尊重呢樣嘢。我非常感激佢睇晒整套劇集，不過我唔會改我個結尾，呢個係我個結尾。如果佢有自己滿意嘅結尾諗法，或者佢可以拍自己個續集。我會去睇，或者會話畀佢知：『我鍾意你整個節目，除咗個結局』。」而勒邦亦有於網上轉載黃導的回應報道，並留言：「呢個冇可能係真，我希望唔係啦！」

此外，劇集令一眾演員人氣急升，其中飾演「韓美女」的女星金周玲日前受訪時，自爆社交網追蹤人數由原來的400人升至168萬人（目前已升至220萬人），有好多是海外Fans，他們以不同語言留言為她打氣。至於飾演「姜曉」的模特兒鄭浩妍最近亦人氣勁爆，頻頻拍雜誌和廣告，近日登上時裝雜誌封面，以露肩和低胸裝展現骨感美。另一方面，韓團Red Velvet成員Seulgi就湊《魷》熱，前日扮成劇中的「紅衣人」上電台節目，提早過萬聖節。