張致恒呻遭幼稚園校長歧視

負面新聞多多的藝人張致恒（Steven），網上發文表示為兒子張天寶報讀幼稚園時遭歧視，他留言：「真係好嬲，雖然我係曾經犯過好多錯，大家唔原諒我唔緊要，但係點解我同個仔去報名幼稚園要畀個校長歧視，難道我個仔唔配讀書嗎？有一個咁樣嘅爸爸就唔可以喺呢個社會立足？你作為一個幼稚園嘅校長講到自己唔會放過任何一個教小朋友嘅機會，就要講到明因為我嘅原因唔畀我個仔機會讀書嗎？」但他沒有透露幼稚園名稱。