吳業坤約李麗珍開飯取經

歌手吳業坤人緣甚廣，原來連一代女神李麗珍都是其好友！李麗珍在社交網分享合照，相中見2人攬頭攬頸，相當老友。坤坤過往亦曾出席女神的生日會，他透露：「我哋識咗幾年，雖然冇合作過，但有班共同朋友，所以間中會食餐飯，咁啱有朋友開咗間日本餐廳，咁咪一齊食飯！」問到會否希望與李麗珍合作拍戲？他說：「講演戲梗係想向前輩學習多啲，嗰日食飯大家都知道佢提名金馬獎最佳女配角，所以希望可以向佢學習吓演技。」