昔日東方張頴康冇乜兩句 譚俊彥：佢有自己諗法
對於鄧佩儀被爆麻煩多多而坐10個月「冷板櫈」，同劇拍檔為她講好話，當中譚俊彥直指「她有自己諗法」，並說：「拍劇嗰時都有傳過佢麻煩，我同張頴康澄清過，佢有自己諗法，但有聽人意見，第一次擔正，外界讚已經難得。（佢返加拿大？）我呢排好忙，冇聽過，但我哋有個大Group，大家講好大結局嗰陣嚟我餐廳食飯。」
至於拍劇期間與鄧佩儀傳不和的張頴康，笑指自己更麻煩：「如果話麻煩，應該我麻煩多啲！佢好盡力，第一次做女主角都驚佢頂唔順，因為少休息時間，又多戲要處理，但佢冇怨言。」談及鬧交傳聞，他笑說：「我哋埋位就演戲，冇乜兩句。我唔知佢返加拿大，唔會啩！佢個起步咁好。」
而劉佩玥認為演員自我要求高是專業精神，撐鄧佩儀不會「Hea過」︰「我哋花咗好多心機、時間夾對白，諗點樣可以做得好啲，大家相處好融洽、開心。（知佢返加拿大？）呢樣比較私人，問番佢好啲。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
