家庭最重要攞獎隨緣羅子溢忍心離開妻女返內地賺人仔

藝人羅子溢3度演醫生角色，於新劇最深刻是跟1歲大的BB做對手戲，當場淚崩！現實中他為讓愛女「小珍珠」有更好的成長環境，有意將重心轉移到內地市場賺奶粉錢，預計「扎根」一段長時間，忍心捨棄跟妻女的相處時刻！

羅子溢於無綫熱播劇《星空下的仁醫》再次演醫生，自言多了個人經歷，結婚生女後變得成熟，對處理角色有幫助，加上今次劇集背景是兒科部門，感覺非常深刻。他舉例指跟1歲大BB拍攝時，見躺在病床的BB貼滿儀器，望一眼已心酸︰「換轉係10年前嘅我，可能真係需要時間去培養感情，但依家我一望，眼淚水都標出嚟，覺得佢真係辛苦，每講嘅一句對白都好真。」

他坦言一直想拍台慶劇，因覺得「中獎」機會較大，不過現時他將家庭放首位，比任何獎項更重要︰「實際啲希望搵多啲錢返屋企，榮譽係想要嘅，但要配合太多天時地利，我控制唔到，要去追求一啲自己控制唔到嘅嘢，就好易鑽牛角尖，開始要諗將來更遠嘅事。」

「掙扎咗好耐」

與老婆楊茜堯育有一女「小珍珠」羅翊心，他直言現時目標明確，為愛女鋪康莊大道，可謂廿四孝爸爸，明知離港工作會失去天倫之樂亦在所不辭，他自爆計劃將工作重心轉移內地，用幾年時間發展︰「其實都掙扎咗好耐，同老婆商量咗好耐，但冇辦法，市場大啲，做演員都希望多啲人認識自己，今次會係我人生中好大嘅轉變。（同老婆一齊走？）係有傾過，但我話等我適應咗先，其實大人去邊度都唔緊要，只係小朋友依家仲好細，等知道佢鍾意啲咩再決定。」

另外，近日他與《星》劇演員鍾嘉欣玩快問快答遊戲，問到劇中誰最惡？嘉欣搞笑踢爆是鄭嘉穎，笑爆全場！而最新收視方面，《星》劇錄得18.5點，繼續平穩上升。