昔日東方葉蒨文唔怕姣：啲人鍾意搵我演小三！
無綫藝人葉蒨文（Sophie）與紅極一時的樂壇天后「撞名」，問到其父母是否很喜歡聽葉蒨文（Sally）的歌，她笑答：「本來佢哋搵相士改咗另一個名畀我，點知媽咪唔係好鍾意，討論之際，咁啱前輩喺電視唱緊歌，媽咪就話不如叫葉蒨文啦！」
Sophie坦言入行以來未正式畀過家用，卻獲從商的母親支持：「不過好似近排接到廣告，我會出錢請全家人食餐好嘅。（屋企人好錫你喎。）即使同母異父嘅家姐哥哥大過我20年，佢哋性格好玩得又好錫我。」她明白努力與付出缺一不可：「藝訓班嘅時候，同學蘇韻姿已經入咗《愛．回家》，我掹車邊每日去片場，睇人開工兼做筆記，漸漸地畀導演發現咗我。（有乜角色想挑戰？）我天生精力充沛，好想試吓拍打戲。啲人鍾意搵我演小三，『姣』唔緊要，但希望角色有得發揮。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
