楊明赴婚宴心情輕鬆

藝人楊明雖然官司纏身，但心情似乎未受影響，前晚與女友莊思明及思明家姐莊思敏等出席友人在尖沙咀舉行的婚宴，被網民發現他在婚宴上舉杯，而杯中物疑似是紅酒，他全程表現輕鬆，更在鏡頭前做鬼臉。

對於有網民指楊明舉杯疑飲酒，莊思明回覆說：「其實係我哋好朋友嫁女，所以先會去！當晚阿楊（楊明）都非常檢點，大家都係抱住好朋友嫁女嘅心情先出現，就係咁簡單，人一生會有好多高低起伏，但冇可能因為自己嘅逆境就影響別人嘅一生幸福！大家都咁大個人啦，好朋友嫁女係開心事，我哋都為佢好開心，冇必要為我哋嘅事而影響到個婚禮！」