陳家樂自認影衰樂壇

藝人陳家樂、廖子妤、白只及楊詩敏等，昨日出席「《梅艷芳》電影製作特輯首播禮」，家樂及子妤片中分別飾演鄭少秋（秋官）及梅愛芳，同聲表示唱歌戲份最感壓力。當中家樂要載歌載舞，他自爆手腳不協調，跳舞時似足一隻蟹，問到為何會被選中？他笑說：「可能試鏡前參考咗一幕張國榮嘅表演片段，導演畀我呃到。（有冇諗住之後唱多啲歌？）如果真係做歌手，我應該會影衰樂壇！」