方力申睇住學生攞獎眼紅紅

藝人方力申與香港劍擊運動員江旻憓，昨日分別以青年大使及宣傳大使身份出席活動，小方表示少時最想參加童軍：「細個要練水，所以錯過咗參加制服團隊嘅機會，我覺得年輕人係應該鍛煉吓，爸爸當年叫我練水都係想我學識服從紀律、堅持同埋有目標，參加制服團隊同樣可以鍛煉到，對年輕人成長係好嘅。」他指是首次與江旻憓碰面，有恭喜她獲得傑青，希望她繼續於運動上為港爭光及貢獻社會。