ONE PROMISE濕身夾Band 4子同行

環球樂隊ONE PROMISE日前為新歌《平凡人的自傳》拍攝MV，新歌由太極成員鄧建明監製，對方延續已故隊友唐奕聰的使命，天衡表示雙方合作愉快：「因為佢都係結他手，佢好快知道我想點。」而MV中營造4子落雨濕身夾Band的畫面，其中患骨枯的鼓手Anton雖然仍未能打鼓，但亦有參與拍攝，主音文廸表示：「佢坐喺個鼓前面，證明我哋4個繼續一齊行。」講到現時情況，Anton說：「一般，一直有睇唔同醫生，但康復得比較慢，醫生都話未知幾時好番，不過我都保持正面。」