暢所欲玄：反轉豬肚的面相

眼眉的長短，用眼尾去做準則，如果眉尾長度去到眼尾水平線為之標準，長過眼尾好多就為之過長，相反，就為之短。

眼眉的長短在標準位置，性格上比較長情、有志氣、做事有計劃、有部署，所以容易成功。眼眉過長，個性比較優柔寡斷、被動、積極性欠奉，如果要成功，要有人在後面鞭策、推動，否則一世都係平平淡淡、成就不大。眉短嘅人，做事較性急，諗到就要去做，喜歡即興，由於計劃能力不強，好多時都會失預算，想法不會太過長遠，比較短視，但又想有好嘅回報，所以會有種急功近利嘅心，但值得欣賞是，做起事情會比較獨立，不假手於人，靠自己去努力爭取。

眼眉叫做「文采之官」，代表一個人嘅才華，一般有文采的人都會眉清目秀。很少人的眼眉是反方向逆生，這些人性格比較惡劣，只會重視自己得益，自私自利之外，可以為利益做出違背良心的事，甚至連親情都可以置之不理，所以要小心提防。