昔日東方快閃賣曲奇 鄺潔楹殘爆擺檔 被嘲似鬼！
藝人鄺潔楹2個月內兩度「升呢」做老闆娘吸金，最近才為健身室舉行開張儀式的她，昨日現身銅鑼灣為自家曲奇品牌做2小時快閃店長，吸引大批粉絲課金、影合照，好友兼香港劍擊運動員林衍蕙更到場幫襯支持。
現正趕拍無綫新劇《四十二章經》的她笑言凌晨收工就直接回家拎曲奇到會場補貨，稍後又要返電視城開工，難怪她笑言覺得一日有50小時：「呢個星期真係好忙，健身室開張，曲奇又有4日攤位，我都嚟咗2日，大約賣咗600幾塊曲奇，成績好好！」又自嘲最近chur爆捱到殘，令其他檔主以為撞邪：「第一日朝早7點嚟準備，我又係拍完劇收工嚟，聽到其他人講：『係咪鄺潔楹？好似鬼咁！』真係好好笑！」
實體店成本高未計掂數
她又報喜指曲奇生意開業短短2個月已回本，扣除成本有約5位數字落袋，同時亦有多個商場招手傾合作。問可有考慮開門市？她坦言今年不會：「最近因為要拍劇，所以先請咗一個人幫手整餅，開店起碼要請6至8個人，條數暫時未計得掂。」分身乏術，問到男友可有詐型？她冧爆稱沒有，至於男友有否大量幫襯？她說：「今次呢個市集儲到好多新嘅街客，亦有朋友怕我滯銷，一嚟都3盒咁買走，唔使出動到男友。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
