戴夢夢閃婚 舊愛Ricky：請都唔去飲

戴夢夢6年前撻着較她年長19歲的有婦之夫、太極樂隊鼓手Ricky，雙方多年來剪不斷理還亂。去年夢夢移情商人何偉略，但不久後分手，今年5月盛傳與Ricky再復合，惟她死口不認，早前受訪時更指視對方為哥哥，雙方關係像家人。

夢夢昨日突然宣布婚訊，不過新郎另有其人！她在社交網上載婚照並宣布：「走在一起，是一種緣分。一起在走，是一種幸福。遇上了，珍惜彼此，We're getting married.（我們要結婚了。）」她回覆本報時表示：「係呀，我結婚喇！另一半唔係圈中人，佢又怕醜，所以想低調啲！」據知其未婚夫Kyle從事金融工作，2人已入紙申請註冊，婚期定於下月，屆時會安排律師見證簽字。

準新娘夢夢分享2輯婚照，一輯是攝於黃昏的郊外景，另一輯則是雨中街景。她透露為了營造雨景，攝影隊要預訂水車，雖然被淋到全身濕透有點冷，但拍攝效果很好，她大感滿意：「好有風雨同路嘅感覺！」

對於舊愛驚爆婚訊，Ricky表示早就知情：「我唔識嗰個男仔，都唔使佢介紹啦。（你哋唔係復合咩？）好早期啦，有諗一齊嘅意思，但分開咗好耐。（因為你唔想再婚？）唔想講咁多，唔想畀咁多壓力嗰個男仔。」他表示會送上祝福，但明言不會出席婚禮：「請唔請我都唔去，唔想咁尷尬，我喺屋企食即食麵！」又否認感到酸溜溜：「冇嘢，好多朋友打電話畀我，我都消化咗件事。唔使擔心我，人生就係咁樣。」對於感情，他認為一切隨緣：「或者我會遇到個更好嘅。」