《換命真相》觸發蝴蝶效應 譚俊彥累死鄧佩儀 穿越100天尋兇

由黃偉聲監製，譚俊彥、鄧佩儀、朱敏瀚、張頴康、蔣家旻及劉佩玥等主演的台慶劇《換命真相》，今晚起逢星期一至五晚上8時30分在翡翠台播出。劇集以冧樓的震撼場面揭開序幕，故事講述唐樓倒塌引致5名住客喪生，身為結構工程師的譚俊彥為調查真相而慘遭滅口，更連累女友鄧佩儀及妹妹蔣家旻被殺。後來Shaun穿越時空返回冧樓前100天，重生的他誓要改變歷史，阻止悲劇發生及揪出背後Big Boss，卻觸發蝴蝶效應。

Shaun在新劇的戲份重又有動作場口，頗考體能，他說：「有一場戲我哋喺一個荒廢嘅地方拍攝，吊威吔吊足2日，另一場我要喺2層樓高跳落嚟，來回跳咗6次，雖然有替身在場，但所有動作戲我都係親身上陣。」此外，他還會主唱該劇插曲，在劇中更以此歌來求婚：「十幾年前喺台灣出過碟，今次再出歌好開心。」

Gloria對於首次擔正女一，她連呼幸運，因為當上女主角除了要努力，更講求天時地利。至於今次角色較以往不同，她說：「角色好成熟，我刻意壓低把聲演出，希望大家會鍾意另一個我。（最大挑戰係咩？）有兩個時空，要清晰自己演緊邊個時空，而且情緒波動大，好多生離死別、百感交集。」提到首次跟Shaun合作，她大讚對方親切，對後輩照顧，2人在劇中會譜出一段相愛卻不能愛的苦戀，她笑說：「係好轟轟烈烈嘅愛情，好多時差啲連命都冇，但有啲情節又浪漫到似偶像劇咁。」