游嘉欣尷尬床戲 心肝卜卜跳

無綫小花游嘉欣在新劇《青年心城之撐起青春》中，有一場意外跌倒在林正峰床上的戲份，2人明顯尷尷尬尬，事後嘉欣自爆「心肝仔卜卜跳」：「拍完之後，收音師問我係咪好緊張，因為拍嗰度都幾靜，佢話聽到我個心跳得勁快。」正峰亦坦言緊張：「一嚟做男仔始終有啲嘢要避忌，要小心唔好掂到重要部位；二嚟我哋好想拍到緊張同尷尬嘅感覺。」又自爆拍畢後捨不得對方：「同佢合作好開心，我哋真係好有默契，雖然成日鬧交，但咁樣先有衝擊。」