人妻莊思敏唔敢去到盡拒參加

ViuTV真人騷節目《賭命夫妻》，因內容過分開放被網民狂轟，直斥節目挑戰道德底線，向來敢作敢言的人妻莊思敏，昨日受訪時表示尚未觀賞該節目，不了解內容尺度有幾盡，更說：「外國都有類似嘅節目，可能外國人思想開放啲，香港做呢類節目，大家未必可以接受。（敢唔敢參加？）要視乎去到有幾盡，我覺得夫妻之間係需要有啲挑戰，但如果個挑戰同引誘真係太大，同只係為咗個節目效果而去到好盡，我就唔會參與喇！」

而湯寶如則笑說：「好激動喎！」但她不會參加，她聽過外國有這類換妻或一群人集體做愛的節目，但她覺得中國人比較保守：「我冇睇過呢個節目，畀唔到意見，但聽到覺得幾有創意，喺道德上面，我自己唔係好接受到，我比較保守，可能有啲朋友覺得冇問題，鍾意咪撳入去睇吓。」她指這個節目製造到話題，只要不是過位，都可接受，不過ViuTV應寫清楚，如果小朋友想睇，應要由家長陪同。