兒子疑於宿舍被虐 周啟生報警

歌手周啟生前晚於社交平台表示，多年前曾於特殊兒童宿舍目擊性侵事件。昨晚他偕妻子現身灣仔警署，就21歲細仔周爵於宿舍疑被打報案，但未有提及在社交網所講的性侵事件。事後他於警署外受訪，表示10多日前收到宿舍社監通知，指周爵行路時右腳「拐吓拐吓」，之後照X光發現腳趾尾骨裂，事隔數日社監又指囝囝再被虐︰「唔止腳傷咁簡單，仲有扯頭髮、捏頸、推櫈同埋踢櫈，做爸爸就梗係緊張！（使唔使打石膏？）唔係太嚴重，腳趾尾打唔到石膏，最嚴重係發現原來係虐兒！」