陳展鵬單文柔 得閒肉搏

演員陳展鵬與太太單文柔前晚無懼8號風球，拍拖出席紀錄片《龍虎武師》首映活動，他笑言要多謝今次的颱風：「本身有兩套劇集要開工，因為打風取消咗，所以我哋可以拍拖嚟睇戲。龍虎武師喺我心目中好有意義，一嚟代表香港，二嚟自己平日都好多動作戲，當然我嗰啲係花拳繡腿啦。」問單文柔會否擔心老公經常拍動作戲易受傷？她說：「佢身手好敏捷㗎！我哋喺屋企間中會切磋吓。（邊個贏多？）梗係我啦，哈哈！」