扮譚仔姐姐 誘客落單 七仙羽夜會P1X3L 男友詐型

七仙羽與P1X3L昨日現身譚仔雲南米線（譚仔）活動，宣傳新產品「滷汁牛肚蜂巢豆腐香辣鮮番茄湯米線」，七仙羽更化身譚仔姐姐，扮相入型入格。

早前她與P1X3L合作推出新歌，組成期間限定組合「OM7G」，問到他們會否再有合作，P1X3L表示今日4人會在ViuTV節目巡禮上首度公開表演新歌，而七仙羽指三子工作忙碌，為遷就對方時間，往往要凌晨時分才能齊人排舞，她笑說：「我呢幾晚都三更半夜出去，男友問我咁夜出去做乜，我話去見幾個男人，真係水洗都唔清。」

講到有傳無綫原有意邀七仙羽拍節目，但認為她ViuTV味濃而打消念頭，七仙羽笑指自己是譚仔味濃：「頭先啲客以為我係侍應搵我落單，我講嘢又唔正，好融入呢個環境。」提到網上有人以3,000元出售她的簽名照，她指價錢日日升，打趣指有意賣自己的相來賺錢，P1X3L聞言即要求七仙羽送簽名相。

P1X3L透露自從有七仙羽「加持」後工作量大增，七仙羽亦表示看好他們3人會大紅大紫：「每次有人搵我拍廣告，我都會帶埋佢哋，佢哋靚仔又有才華，唔應該埋沒，最近有個國際品牌搵我拍廣告，我都話要一拖三。」問到P1X3L如何答謝七仙羽，他們稱會請對方食飯，又承諾將來開騷要請對方上台做嘉賓。