朱千雪攞定生B秘笈 鄧麗欣封「港劇視后」 大把仔約慶祝！

鄧麗欣（Stephy）昨日在3號風球下出席時裝品牌活動，同場有前港姐朱千雪、劉俊謙、樂壇新人張天賦等。提到本月15日是其38歲生日，Stephy表示會留時間食飯，問到與台灣男星邱勝翊（王子）分手後，可有男生約她慶生？她笑說：「全女班。（冇異性約？）太多，唔揀啦！哈哈！」問到生日願望是否早日找到Mr. Right？她坦言：「唔恨啦，順其自然，呢個唔係願望之一。願望係身體健康同世界和平，感情事隨緣。（你個人咁『佛系』？）唔止感情事，成個人都『佛系』。」

工作方面，Stephy透露近日忙於做電影主題曲，月底又開拍新戲，會一人分飾兩角：「幾大反差、幾複雜，所以依家要準備角色。」提到憑ViuTV劇集《男排女將》入圍亞洲學院創意獎，成為「香港區最佳女主角」，她說：「我都唔知有參選，好驚喜！好似好勁咁，可以代表香港參加亞洲區嘅獎項，其他對手都好勁。」

至於朱千雪很開心在颱風襲港下仍能現身活動，並提及日前與坐完月的好姊妹岑杏賢慶生，但仍未探望BB，之後會補送禮物。問到何時到她生B？她笑說：「順其自然啦！不過有朋友生咗有經驗，第時可以多個人問吓。（叫佢過兩招畀你？）佢都有叫我快啲生，第時小朋友可以一齊玩，但要等等先。」並指與老公同樣工作忙碌，而且想享受二人世界，最開心是長輩沒施加壓力。