昔日東方王敏奕羨慕老公「自由行」 黃智雯黐袁偉豪博食胡
藝人黃智雯近日在劇集的一場小產爆喊戲令觀眾睇得揪心，拍檔袁偉豪對她信心十足，認為她有望角逐視后，智雯即回敬：「拍住佢有運行！」
袁偉豪（Ben）、黃智雯、王敏奕及丁子朗等，昨日出席劇集《把關者們》結局篇宣傳活動。上周劇情交代黃智雯小產，引發虐心感情戲，她表示：「能夠引起觀眾共鳴，已經係最大嘅肯定。多謝同事葉凱茵無私咁分享自身經歷，令我更加投入演出。」
問到是否有信心憑此劇角逐視后？站在她身旁的Ben即搶答：「佢得嘅！我哋都係爭香港區啫，兩、三年前我哋喺新加坡同馬來西亞，分別憑《三個女人一個「因」》同《棟仁的時光》拍住攞過獎，經過沉澱後捲土重來！」黃智雯即表示：「拍住Ben，我有運行喇！」
Ben苦惱周年禮物
談到日前為太太張寶兒慶生放閃，Ben表示：「好彩係打風前慶祝，嗰日收工去咗半日Staycation（宅度假），嚟緊我哋又結婚一周年。（諗住點慶祝？）未有計劃，不過諗緊送咩禮物，可能都係啲日用品，或者想買嘅嘢。」
至於王敏奕近日忙着拍攝另一新劇《法證先鋒V》，透露老公曾國祥7月起已在英國開工：「佢拍緊外國劇集，可能仲有3、4個月都未返，幾羨慕佢好似去咗旅行咁，有時佢會周圍去睇景。（唔過去探佢？）唔得，因為我有工作，依家都係視像保持聯絡。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
