蔣怡老公冇地位

名模蔣怡與廚具品牌合作推出首個個人廚刀系列，昨日穿Deep V裝出席活動。她形容廚刀是「伴侶」，問到老公翁狄森的地位？她笑言：「我同刀嘅相處時間多過佢。（老公呷醋？）點會！不過佢成日同其他人講我將佢排最後一位。（你排佢最後？）唔同日子有唔同地位，小朋友唔喺度佢排名高啲，我哋出去二人世界，佢個排名又會再高啲。」又透露當年讀藍帶廚藝課程，老師叫她跟擀麵棍培養感情，笑言想過攬住瞓。