「限娘令」冇有怕 鹿晗繼續做花美男

國家廣電總局8月底發布新規令，杜絕「娘炮」等畸形審美，官媒直接用上「流量明星」蔡徐坤及鹿晗照片，間接點名批判兩人，當中蔡徐坤即刻配合「限娘令」，轉晒自己僅有的肌肉博翻身，更搣甩濃妝，非常識做！反觀鹿晗就遲遲未見人，豈料昨日他一早在社交網晒出兩張大頭自拍照當「交功課」，但他似乎未有被「限娘令」嚇怕，繼續大晒重手Filter花美男Selfie。相中雖然未見他化上濃妝，不過落重濾鏡，令皮膚白白滑滑，同女士們有得揮，加上他影到自己面尖尖、紅粉緋緋，繼續以「娘炮」Look示人，照片上載3小時已經有超過30萬人畀Like，睇嚟「娘炮」市場仲有得做！