學霸棄優差追逐演藝夢鄭杞瑤脫胎換骨「獸」色可餐

身兼波霸與學霸材料的選秀亞軍鄭杞瑤（Kylie C.），曾因「怪獸」身材而自卑，後通過比賽重建自信。胸大不代表冇腦，大學修讀犯罪心理學的她，從事行為治療的工作，最後放棄高薪厚職，由醜小鴨變勇敢天鵝追逐演藝夢想。

擁有36E上圍的Kylie C.，以24歲之齡贏得Ace Talent模特兒冠軍及演藝賽亞軍，可是驕人上圍一度是她的煩惱之源：「我算早發育，剛發育身材已經好勁，我讀女校其他女仔會覺得你好奇怪，好似怪獸咁，會畀人攞嚟講笑同改花名。」加上齙牙及因發育而脹爆，令她更加自慚形穢，連當藝人的夢想也瀕臨磨滅：「細個時好古靈精怪，好有表演欲，但對自己嘅外表就好冇自信。」

大學畢業後，Kylie狂做運動及箍牙去改善外表，後在比賽首席評審唐安麒的幫助下，10日內勁減6磅，脫胎換骨勇奪獎項。入行後，她逐漸適應旁人目光及批評，問到會否接受性感演出？她說：「要睇公司安排，同埋要睇尺度，唔好太刻意去賣弄。」

男友唔好太靚仔

比起身材，Kylie更渴望別人留意其內涵。她是高材生一名，在大學修讀犯罪心理學，畢業後任職行為治療師幫助自閉症小朋友，她又精通西班牙文，略懂韓文、日文及德文，擅長烹飪，最近正學習唱歌及跳舞，可謂多才多藝。

講到感情生活，她透露現時單身，擇偶條件亦頗為特別：「唔好太高，唔好太大隻，唔好太靚仔，我唔鍾意啲人成日望住我另一半，鍾意有幽默感嘅人。」