爆入行辛酸事楊洛婷拒整容被雪藏

2003年港姐亞軍楊洛婷，與樂隊Dear Jane主音黃天翱（Tim）結婚多年感情有增無減。對於樂隊於紅館完成5場演唱會感到相當驕傲，她在社交網發千字文，分享入行以來2人的高低起跌，還自爆曾被舊公司逼去整容：「曾經有一段時間，我被舊公司不斷無理咁逼我去整容，因為我唔肯妥協、唔肯就範，所以就被人無情咁『掟入雪櫃』，結果我冇工作冇收入。」

她感激Tim當時承諾會盡一切能力去照顧她：「的而且確，我老公絕對有履行佢對我嘅承諾，而幸運嘅係，我精彩嘅主持生涯亦隨即展開。」

楊洛婷雖然對老公及Dear Jane絕對信任，但在樂隊經歷低潮時，她也曾勸過Tim要面對現實，甚至轉行，她說：「依家諗番，我好慶幸佢當時冇聽我講，我真係好佩服佢哋對理想嘅堅持同毅力！」

為Dear Jane驕傲

而以往她都會求神拜佛，努力叫身邊所有朋友買飛支持Dear Jane，但今次竟然反過來大家叫她幫手買飛：「連一啲素未謀面嘅人，好似餐廳侍應、幫我整電話嘅師傅等等，都一一走來搵我買飛，我真心為Dear Jane感到無比嘅光榮同驕傲！」

不少網民留言讚她本身已相當漂亮，根本沒有需要整容，撐她現在的生活過得好便已足夠。