曾樂彤開心同師兄鬥戲 陳家樂自薦演「阿寶」 導演請食檸檬

陳家樂、曾樂彤與馬思惠主演的英皇電影《分手專家》，昨日在灣仔舉行煞科儀式，英皇集團主席楊受成親臨現場支持。該片由葉念琛執導，首次孭飛女主角的曾樂彤飾演新一代「阿寶」，扮演分手專家。問到可擔心與「歷代阿寶」比較？她說：「唔擔心，拍之前有睇以前嘅經典，但冇鑽研，拍攝都係按照導演要求去演。」又稱很榮幸與師兄陳家樂合作，出道時首個MV已想邀對方拍攝。

問陳家樂與曾樂彤可有親熱戲？他笑言：「小量，情慾戲就交畀Bob（林盛斌）同七師傅（七仙羽）。」並自爆曾懇求導演讓他演「男版阿寶」，但導演指該角色只能由女性演出。他表示今次的角色很有挑戰性，充滿心計兼機關算盡，希望帶給觀眾耳目一新的感覺。

至於新人馬思惠於片中扮演辣妹，為錢六親不認。她坦言全程講廣東話，有點擔心：「我係順德人，廣東話會有少少口音。」又指拍攝掌摑陳家樂時相當緊張：「都有NG，一共摑了師兄5巴，打到佢臉有少少紅，但係師兄都叫我落力打落去，唔係拍得唔好，反而仲要捱多幾巴、仲辛苦！」