陳琪拒為校網搬屋

藝人黃芳雯（Paula）及陳琪昨日為香港開電視節目《學霸睇樓團》錄影，陳琪家住新界，她自言對港島區完全不熟，因拍節目而到訪港島多區睇樓，問到會否心郁想搬到港島區？她說：「唔會，住得一個地方一定有情意結。」又指已安排了3名子女入讀學校，故不用為校網而考慮搬屋。至於Paula最近搬屋，但坦言不會為校網而搬：「我同老公有共識，個世界唔同咗，未必一定要讀名校，求學不是求分數。我只想搵一間適合小朋友嘅學校，而唔係催谷佢。」