孖連詩雅運動陳家樂面紅：係開心嘅

陳家樂、袁偉豪、劉佩玥、黃智雯及陳自瑤等，昨日為熱播劇《把關者們》造勢，剛中了六合彩的家樂最近事業、愛情、財運3得意，他謙稱「努力中」。提到女友連詩雅自爆曾患情緒病，靠做運動康復，剛巧2人每次被拍都是做運動，他即面紅說：「係各自做運動，我平時做Gym多。（之前一齊去滑水喎！）玩吓啫！唔算運動，唔好問呢啲啦！講到我好尷尬，哈哈！（平時有做其他運動？）畀人影過就冇得否認。（之後約多啲？）咁一齊玩係開心嘅。」

為轉移視線，他更扮記者「拷問」黃智雯何時結婚，智雯笑言未必今年，因11月會開新劇，家樂拉埋拍檔落水說：「袁偉豪都係邊拍劇邊結婚。」智雯即笑說：「點同呢！女仔要靚、準備好心情嘛！」

另外，有報道指陳自瑤疑因婚姻問題致情緒崩潰，愁爆到自然療法醫療中心求醫，她再三澄清沒有此事：「我好好，多謝大家關心！」並解釋該中心由朋友開設，當日只是快閃攞嘢，但承認曾接受「髗骶骨治療」作養生、美顏之用。