Stephy亞洲電影節打頭陣

鄧麗欣（Stephy）與馬志威主演電影《12日》，獲選為《第18屆亞洲電影節》開幕電影。Stephy指導演林愛華以一段10年感情當中的12日，表達男女主角的感情變化，她說：「電影帶出兩個人相處，有冇搵到一個舒服相處嘅方法？有冇彼此妥協？明唔明白對方想要咩？當中好幾場戲拍嘅時候同睇試片時，自己都有一種好深刻、難受嘅感覺，相信有經歷過不同感情嘅朋友，無論男女都會有共鳴。」