「戀愛白紙」唱情歌 炎明熹急推處女作 霸位爭新人獎

「聲夢3小花」姚焯菲、鍾柔美及詹天文早前以女團身份先後合唱兒歌《夢》及《Hands Up》，以為跑贏Gigi，但原來Gigi後來居上，早前已秘密完成個人單曲《真話的清高》。日前唱片公司在官網上載其頭炮作的15秒黑白MV片段，預告並非劇集歌，令粉絲大呼期待！有指她趕推新歌，全因想在年底舉行的音樂頒獎禮拿「入場券」爭新人獎，今年獎項競爭激烈，對手包括環球的「悲情歌王」曾比特、人氣王MIRROR成員Edan、組合ERROR成員193、張天賦及ANSONBEAN等，當中《勁歌金曲》頒獎禮的「最受歡迎新人獎」似是Gigi的囊中物。

在本報獨家所得的MV照片中，赤腳上陣的Gigi分別穿上白色及黑色連身裙，一時蹲在椅子上玩檸檬，一時坐在懷舊打字機前，意境唯美。雖然她全程「木無表情」，而且男主角欠奉，但要對着空氣交戲，才是最高難度。Gigi昨日受訪時以「神奇」來形容首次入錄音室錄個人單曲的心情，並多謝導演配合她：「我唔係好容易笑嗰種人，覺得自己笑得好尷尬咁，唔笑就唔會破壞導演想要少少唯美嘅效果。所以導演唔使我笑，真係好開心。」

問到只得16歲的她未嘗戀愛滋味，如何拿捏情歌的感情？她直認是個挑戰：「我係比較容易有幻想嘅人，睇小說、漫畫，同埋都有讀啲藝術方面嘅嘢，通常會幻想好多嘢。我希望呢首情歌可以畀到大家呢個感覺，不過每個人嘅感受係唔一樣嘅。」她又直言另一難處是歌曲的高音部分，因為並不是她擅長的音域。