摸Pet Pet：領養情緣 此生最愛 陳逸璇失戀 獲愛犬送暖

她稱讚Bingo性格忠心又乖巧，絕對是一隻模範狗：「出街時就算放繩，都唔需要擔心，佢一定會跟住你後面，帶佢行山叫佢跑，佢跑到咁上下都會搵番我，好生性，係令我好驕傲嘅一個仔。」

除了性格討人喜歡之外，Bingo亦十分通曉人性：「我當時剛同男友分手喺露台喊，當年未夠一歲嘅佢走過嚟用手搭住我安慰我。」Jolie坦承偏心Bingo，就算牠做錯事，也會找理由替牠開脫：「有次佢唔小心咬傷咗另一隻狗，我哋冇責怪佢，因為冇人相信佢會咁做，仲會搵理由幫佢辯護。」

Jolie有感再難遇到跟Bingo一樣完美的狗，所以曾上網搜查關於複製寵物的相關資料，但她強調：「不過我唔會咁做，只係想了解吓！」早前她為Bingo舉行了一個盛大的生日派對，邀請了10隻狗參與，既開心又辛苦：「因為狗狗會失控周圍屙，我全日不停抹屎抹尿。」