陳懿德破私生女謠言

打入決賽的12強佳麗昨日泳裝上陣，當中以陳懿德身材最突出，她指參選後有所成長及極速減磅，添加了自信。對於有讀者爆料指其母是小三上位變正印，她否認傳聞：「冇咁嘅事，我屋企好正常同開心，父母好恩愛。（媽媽有冇講過情史？）冇。（擔唔擔心呢個傳聞影響賽果？）冇影響，因為唔係事實。（係咪得罪咗人哋，所以有人爆料？）真係唔知，唔知可以講乜。如果問我減肥，我有好多嘢可以講，可能嗰個人想幫我做新聞，但我唔需要，因為唔係真。」她續言有信心在決賽得獎，但不論賽果如何都當作勝利，因為參選過程中有很大得着。